Тусгай аялал буюу бизнесийн арга хэмжээ, экспо аяллыг Азийн бар Хонг Конгын хүнсний экспог үзэж, танилцах, судлах зорилгоор 10 гаруй хүний бүрэлдэхүүнтэй аялал зохион байгуулсан.
Дэлхийн урлаг соёл, спортын томоохон арга хэмжээг үзэж, сонирхонгоо аялах, аяллыг санаачлан 2012-2014 онуудад UBS телевизтэй хамтран “Дэлхийн одыг дэргэдээс нь” төслийг хэрэгжүүлж, дэлхийн алдартай хамтлаг, дуучдын тоглолт үзэх аяллыг Хонгконг-Макао, Бээжин, Шанхай, Истанбул хотуудад зохион байгуулж, телевизийн зургаан нэвтрүүлгийг бэлтгэн, цацаж, 200 гаруй дотоодын жуулчид аялуулсан нь манай аяллын компанийн нэр хүнд өсөж, олны танил болоход ихээхэн нөлөөлсөн.
2013 оноос ойрх дорнодын бүс Арабын нэгдсэн Эмират улсын Дубай хотын аялал хийдэг болж, үүнтэй холбоотой машин худалдан авах аяллыг мөн амжилттай зохион байгуулсан. 2014 оноос Францын Луврын музейн албан ёсны тайлбарлагч Г.Оюунтунгалагтай хамтран ажиллаж, Европын аяллаа улам чанаржуулсан нь манай компанийн брэнд бүтээгдэхүүн болов.
2016 онд АНУ–Хавайн аяллыг эхлүүлэн, гурван тивд аялал хийх туршлага хуримтлуулж, нийт 60 гаруй чиглэлд тусгай аялал, бизнес аялал, үзэсгэлэн, арга хэмжээ, тоглолт, спортын арга хэмжээ болон амралтын аяллыг тогтмол гаргаж, аялал жуулчлалын салбартаа өөрийн гэсэн бүтээгдэхүүн, үйлчилгээ үзүүлэгч нарыг бий болгон, ажилласан.
2013 оны зунаас БНХАУ-ын Хөх нуурын Шининь хотын компанитай хамтран ажиллаж, 400 гаруй жуулчдыг эх орондоо хүлээн авч үйлчилжээ. Гаднаас жуулчин хүлээн авах болсноор 2014 онд “Монгол импери турс” ХХК-ийг “Монголиан Степь турс“ компани болгон өөрчлөн байгуулсан.
“Гадна ертөнцийг дотно мэдрүүлж, Гарт нь дэлхийг атгуулна” уриатай Монголиан турс нэрээр олны танил болсон “Монголиан Стель турс“ ХХК шинэ үйлчилгээ, шинэ аялал, шинэ бүтээгдэхүүн улам ихийг гаргаж, аялал жуулчлалын салбартаа улам улам тэргүүлэхээр зорин ажиллаж байна.